Минскінің «Динамосы» – «Барыс»: ҚХЛ матчының тікелей трансляциясы. Онлайн көру
Сәрсенбі, 28 қазанда астаналық «Барыс» Континенталдық хоккей лигасының (ҚХЛ) тұрақты чемпионаты аясында Минскінің «Динамосына» қарсы сырт алаңда ойнайды, деп хабарлайды Sports24.kz.
Кездесу Қазақстан уақытымен 21:10-да басталады. Матчтың тікелей трансляциясын «Qazsport» телеарнасынан көруге болады.
19 матчтан кейін «Барыс» 21 ұпай жинады, ал Минскінің «Динамосы» дәл осынша ойыннан кейін 20 ұпай еншіледі.
Алдыңғы матчта қазақстандық команда Екатеринбургтің «Автомобилистіне» 1:4 есебімен жол берді. Оған дейін астаналықтар Владивостоктың «Адмиралына» (овертаймда 4:5) және Хабаровскінің «Амурына» (2:5) жеңілді.
Минскінің «Динамосы» соңғы кездесуінде Нижний Новгородтың «Торпедосын» сырт алаңда овертаймда 2:1 есебімен жеңіп, қатарынан үш жеңілістен тұратын сериясын үзді.
Осы маусымда командалар әлі кездескен жоқ. Соңғы өзара матч 2025 жылғы 22 қыркүйекте Минскіде өтіп, негізгі уақытта есеп ашылмаған соң, овертаймда алаң иелерінің 1:0 есебімен жеңісімен аяқталды.
