Леонид Метальников төрт маусымнан кейін «Адмиралдан» кетті
Хоккей
Арсен Алиев
Редактор
ФОТО: Getty Images
Қазақстандық 35 жастағы қорғаушы Леонид Метальников Владивостоктың «Адмирал» клубынан ресми түрде кетті. Бұл жөнінде Приморьедегі команданың баспасөз қызметі хабарлады.
Метальников «Адмирал» сапында төрт толық маусым өнер көрсетіп, осы уақыт ішінде 227 матч өткізіп, 27 ұпай (6 гол, 21 нәтижелі пас) жинаған. Ол бірнеше жыл бойы команда қорғанысында маңызды рөл атқарып, тұрақты ойын үлгісін көрсетті. Енді хоккейші клубтағы мансабын аяқтап отыр.
КХЛ-2024/25 маусымының қорытындысы бойынша, «Адмирал» Шығыс конференциясында сегізінші орынды иеленді. Алайда плей-офф кезеңінде Владивосток командасы алғашқы айналымнан әрі аса алмай, Челябідің «Тракторына» серияда 2:4 есебімен жол берді.