«Флорида» «Эдмонтонды» күйрете жеңіп, Стэнли кубогының финалында алға шықты
Ұлттық хоккей лигасының (НХЛ) плей-офф финалдық сериясының үшінші матчында «Флорида Пантерз» командасы «Эдмонтон Ойлерзді» 6:1 есебімен ойсырата жеңді.
Санрайз қаласынан келген команда ойынның алғашқы минуттарынан-ақ басымдық танытып, алғашқы үзіліске дейін 2:0 есебімен алға шықты. Екінші кезеңде қос команда бір-бір шайбадан соқты. Ал соңғы кезеңде «Пантерз» қарсыласты түбегейлі тізе бүктіріп, тағы екі шайба енгізді.
АҚШ. НХЛ – Плей-офф – Финал
«Флорида» – «Эдмонтон» — 6:1
Шайбалар авторлары: Маршан, 1 (1:0); Вераге, 18 (2:0, көпшілікпен); Перри, 22 (2:1, көпшілікпен); Райнхарт, 24 (3:1); Беннетт, 28 (4:1); Экблад, 44 (5:1, көпшілікпен); Родригес, 57 (6:1, көпшілікпен).
Осылайша, финалдық сериядағы есеп 2:1 болып, «Флорида» алға шықты. Төртінші ойын 13 маусым күні Астана уақытымен сағат 05:00-де өтеді.
Айта кетейік, «Флорида Пантерз» — НХЛ-дің қазіргі чемпионы. 2024 жылғы финалда олар «Эдмонтон Ойлерзді» жеті матчтық тартыста 4:3 есебімен жеңіп, Стэнли кубогын жеңіп алған болатын.