«Енді мені шешінетін бөлмеде тыңдайтындардың бірімін»: Бекетаев — «Барыстағы» өз рөлі туралы
Астананың «Барыс» клубының қорғаушысы Әділ Бекетаев КХЛ-дегі «Ақ Барсқа» қарсы өткен ойыннан (3:4) кейін өз әсерімен бөлісті, деп хабарлады SPORT+.
27 жастағы хоккейші үшін бұл кездесу мерейтойлық — КХЛ-дегі 200-матчі болды.
«Соңғы үш жылда мен көп өзгердім — өзіме сенімді болдым, өзімді команда көшбасшыларының бірі ретінде сезінемін. Шешінетін бөлмеде жігіттер мені тыңдайды, кейде жақсы, кейде сын түрінде пікір білдіремін — бәрі дұрыс түсінеді. Лига өсіп келеді, қарсыластардың деңгейі жоғарылап жатыр, әр ойын – үлкен сынақ. Кесте тығыз, ойындар көп, бірақ бұл бізді жақсы формада ұстайды. КХЛ-де 200-ші ойынымды өткізгеніме қуаныштымын, әрі қарай да осы деңгейде ойнай беремін деп сенемін», — деді Бекетаев.
«Барыс» тәрбиеленушісі бүкіл мансабын елордалық клубта өткізді. КХЛ-дегі 200 матчта ол 55 (12+43) ұпай жинаған.
«Ақ Барстан» жеңілгеннен кейін Михаил Кравецтің командасы қатарынан үшінші рет ұтылып, 13 кездесуден кейін 12 ұпаймен Шығыс конференциясында сегізінші орында тұр.