Данил Парамонов — Pro Hokei Ligasy чемпионатында аптаның үздік ойыншысы атанды

Хоккей Бүгін 09:03

Аружан Темірбек

sports24 сарапшы

“Арлан” шабуылшысы Данил Парамонов Pro Hokei Ligasy 2024/2025 маусымындағы аптаның үздік ойыншысы болып танылды.

Өткен аптада “Арлан” “Құлагерді” екі рет жеңді (4:0 және 4:1). Осы ойындарда 21 жастағы шабуылшы бес шайба соқты: алғашқы матчта дубль жасап, екінші ойында хет-трикпен көзге түсті.

Парамоновтың шайбалары екі кездесуде де көкшетаулық команданың жеңісін қамтамасыз етті. Оның “Құлагерге” қарсы ойындардағы тиімділік көрсеткіші “+4” болды.

Ағымдағы маусымда Парамонов 24 матчта 28 (19+9) ұпай жинады.

“Арлан” Қазақстан чемпионаты кестесінде 37 ұпаймен екінші орында тұр. Алдыңғы орындағы “Торпедодан” бір ұпай ғана қалып тұр, бірақ көкшетаулықтар екі ойын кем өткізді.