«Барыс» түлегі NHL клубының Rookie Showcase турниріне қатысады
18 жастағы шабуылшы Асанали Саркенов, «Барыс» хоккей жүйесінің түлегі, АҚШ-тың беделді Rookie Showcase 2025 турниріне NHL-дің «Колорадо Эвеланш» командасы сапында қатысады.
Бұл дода 12-14 қыркүйек аралығында өтеді және оған сондай-ақ «Вегас» пен «Юта» клубтарының жас ойыншылары да қатысады.
Өткен маусымда Саркенов Солтүстік Америкада алғаш рет өнер көрсетіп, Батыс Хоккей Лигасындағы «Спокан Чифс» құрамында дебют жасады. Регулярлы чемпионатта ол 52 матчқа қатысып, 27 ұпай (10 гол+17 пас) жинады, ал плей-офф кезеңінде 21 кездесуде 14 нәтижелі баллға (9+5) қол жеткізді. Финалда оның командасы «Медисин-Хат Тайгерс»-пен серияда 1:4 есебімен жеңіліп қалды.
Сондай-ақ, Саркеновтің жазғы даму лагерінде үш мәрте Стэнли Кубогының иегері (соңғысы — 2022 жылы) «Колорадо Эвеланш» клубының құрылымында болғаны атап өтілуде. Бұл клубтың жас хоккейшіге үлкен қызығушылық танытып отырғанын көрсетеді.
Бұған дейін «Барыс» төрт жаңа ойыншымен келісімшарт жасасқан болатын.