«Барыс» Ромазан мемориалын «Металлургтен» жеңіліспен аяқтады
Ең төменгі есеппен өкінішті жеңіліс
Хоккей
Санжар Ақатаев
Журналист
ФОТО: Официальный сайт ХК «Барыс»
Астаналық «Барыс» хоккей клубы Ромазан атындағы Мемориалдағы соңғы кездесуінде Магнитогорскінің «Металлургіне» есе жіберіп, жарысты аяқтады.
Ойын турнир иелерінің пайдасына 2:1 есебімен аяқталды. Жеңімпаздардың сапында шайбаларды Роман Канцеров (27-минутта) пен Дмитрий Силантьев (42) соқты. «Барыстың» жалғыз голын 35-минутта Ансар Шайхмедденов өз атына жазды.
Бұған дейін «Барыс» күтпеген жерден «Металлургтің» фарм-клубы – «Магниткаға» (1:2) жол берген, алайда артынша овертаймда «Салават Юлаевты» 4:3 есебімен жеңіп, жанкүйерлерін қуантқан еді.
Ромазан мемориалының қорытынды турнир кестесінде ұпайлар былайша бөлінді:
- «Магнитка» — 6 ұпай
- «Салават Юлаев» — 3 ұпай
- «Металлург» — 3 ұпай
- «Барыс» — 2 ұпай
Айта кетейік, «Барыс» үшін ҚХЛ маусымы 7 қыркүйекте Челябінің «Тракторына» қарсы өз алаңындағы матчпен басталады.