Барыс көшбасшылары жарақаттан айығып, қатарға қосылды

Хоккей Кеше 22:48

Марлен Аманов

sports24 сарапшы

Астаналық "Барыс" хоккей клубының ойыншылары Виктор Антипин мен Дамир Жафяров жарақаттан толық сауығып, Құрлықтық хоккей лигасындағы алдағы сырт алаңдағы ойындарға қатысатын құрамға енді. Бұл жайлы клубтың баспасөз қызметі хабарлады.

Сапар маршруты үш қаланы қамтиды: Мәскеу ("Динамо" командасымен кездесу), Мытищи ("Куньлуньге" қарсы ойын) және Челябинск ("Трактормен" матч).

32 жастағы қорғаушы Виктор Антипин мен 30 жастағы шабуылшы Дамир Жафяров жарақаттарын толық емдеп, командаға көмектесуге дайын. Биылғы маусымда Жафяров 13 матч өткізіп, бір нәтижелі пас берген. Ал Антипин 8 ойында бір голдық пастың авторы атанды.

"Барыс" ҚХЛ-дің сырт алаңдағы ойындарына қатысатын құрамын жариялады.