«Барыс» «Динамоны» жеңгеннен кейін ҚХЛ кестесі осылай өзгерді
«Барыс» Шығыс конференциясының плей-офф аймағындағы орнын нығайтты
Хоккей
Аружан Темірбек
Редактор
ФОТО: Барыс ХК
Мәскеудегі маңызды жеңіс «Барыстың» турнирлік жағдайына айқын әсер етті. 18 желтоқсанда астаналық клуб қонақта мәскеулік «Динамоны» 4:2 есебімен жеңіп, аса қажет ұпайларға қол жеткізді және Шығыс конференциясының плей-офф аймағындағы орнын сақтап қалды.
Қазірге дейін 37 матч өткізген «Барыс» 34 ұпай жинап, Шығыс конференциясының турнирлік кестесінде сегізінші орында тұр. Команда жақын бәсекелестерінен аз ғана ұпай айырмасымен алда келеді, бұл аймақтағы тартыстың қаншалықты қызу екенін аңғартады.
Келесі ойынын елордалық ұжым 21 желтоқсанда өткізеді. Өз алаңында «Барыс» конференцияның төменгі бөлігінде ұпай үшін күресіп жүрген «Сочиді» қабылдайды.
