«Барыс» алғаш рет Еуропаның үздік жиырма клубының қатарына маңызды көрсеткіш бойынша енді
Жанкүйерлер ерекше еңбек сіңірді
Хоккей
Жантөре Қайсаров
Редактор
ФОТО: ХК Барыс
Континенталдық хоккей лигасының маусымы жаңа рекордпен басталды, оған «Барыс» та өз үлесін қосты. Астана командасы бүкіл Еуропа бойынша топқа ілікті.
Meta-ratings зерттеуі бойынша, 5 қыркүйек пен 4 қазан аралығында «Барыс» алғаш рет Еуропадағы хоккей клубтарының жанкүйерлер орташа келуі бойынша үздік 20-ға енді — 8 267 көрермен. Бұл көрсеткіш, мысалы, КХЛ-дың кейбір клубтарынан, соның ішінде «Спартактан» (8 042 көрермен) да жоғары.
Өз кезегінде, КХЛ Еуропадағы ең көп көрермен тартатын лигаға айналды — орташа есеппен 8 114 жанкүйер. Лигадағы ең көп жанкүйер жинаған клуб — «Авангард», оның ойындарына орта есеппен 11 986 жанкүйер келеді.
«Барыс» КХЛ-дегі соңғы матчында «Ак Барстан» 3:4 есебімен жеңіліп қалды.