Александр Козинов Pro Hokei Ligasy чемпионатының өткен аптадағы үздік ойыншысы атанды
Хоккей
Аружан Темірбек
Редактор
ФОТО: Pro Hokei Ligasy
“Ақтөбе” шабуылшысы Александр Козинов Қазақстан хоккей чемпионаты Pro Hokei Ligasy-ның 13-ойын аптасының үздік ойыншысы деп танылды.
26 жастағы шабуылшы төрт матчта 6 (2+4) ұпай жинап, “+4” пайдалы әрекет көрсеткішімен көзге түсті. 2024/2025 маусымында Козиновтың еншісінде 13 матчта 10 (5+5) ұпай бар.
Өткен аптада ақтөбеліктер төрт матчтың үшеуінде жеңіске жетті. Олар екі рет “Горнякты” (8:3 және 5:4 Б) және “Сарыарқаны” (3:0) жеңді.
“Ақтөбе” чемпионат кестесінде 29 ұпаймен алтыншы орында тұр. Көшбасшы “Торпедодан” тоғыз ұпайға қалып келеді.
23 және 24 желтоқсанда “Ақтөбе” Астанада “Номадқа” қарсы сырт алаңда ойнайды.