Фора - жеңіс емес. Қазақстан өз алаңында Арменияны жеңе алмады
18 желтоқсан, Алматыда, Балуан Шолақ атындағы спорт кешенінде Еуро-2026 іріктеу кезеңі аясында Қазақстан мен Армения кездесті.
6-шы минутта қонақтар Рафик Меликянның голымен алға шықты. Қазақстандық команда 19-ші минутта есепті теңестіре алды - гол авторы Шыңғыс Есенаманов. 27-ші минутта Дугластың айып добынан тепкен соққысы голға айналды. Үш минуттан кейін Армения есепті теңестірді - Мигран Дерменджян дәл соққысымен жылдам қарымта шабуылды аяқтады. 2:2.
Екі минут өтпес бұрын, Азат Валиуллин қатты соққысымен гол соқты. Ал бір минуттан кейін, Дуглас Қазақстан құрамасының қарымта шабуылын сәтті аяқтап, дубль авторы атанды. 4:2.
Екі голдық фора 63 секундқа жалғасты. Арсен Петросов Армения үшін үшінші голды соқты. Үш минуттан кейін Қазақстан құрамасының қақпашысы Игита өз қақпасының алдында қателік жасады - Дерменджян мүмкіндікті жібермеді. Тең есеп 4:4.
Екі ойыннан кейін Қазақстан мен Армения құрамалары Еуро-2026 іріктеу кезеңінің 6 тобында көшбасшылықты бөліп тұр. Қос құрама 4 ұпайға ие. Дания және Албания әзірге ұпай жинамады, алайда қос құрама 2 тур аясындағы ойындарын кейінірек өткізеді.
Еуро-2026 іріктеу кезеңі. 6 топ
Қазақстан - Армения - 4:4
Голдар: Есенаманов, 19, Дуглас, 27,33, Валиуллин, 32 - Меликян, 6, Дерменджян, 30, 37, Петросов, 34.