Қазақстан құрамасындағы ең үздік ойыншы белгілі болды
“Футзал Қазақстан” Telegram-арнасының нұсқасы бойынша Қазақстан футзал құрамасының Еуро-2026 іріктеу кезеңіндегі Данияға қарсы матчындағы ең үздік ойыншы болып әмбебап ойыншы Ринат Төреғазин танылды.
Жанкүйерлер арасында жүргізілген сауалнама нәтижесінде қазақстандықтар арасындағы ең үздік ойыншы Ринат Төреғазин деп танылды. Айта кетерлігі, ол матчтың аяқталуына үш минут қалғанда ғана паркетке шықты, бірақ ойынға белсенді араласып, Қазақстан құрамасының екінші голына үлес қосты.
Сауалнама нәтижесі бойынша екінші орынды алғаш рет көп ойын уақытына ие болған тағы бір әмбебап ойыншы Дамир Карибай иеленді. Ал үздік үштікті қақпашы Нарун Серіков қорытындылады, оның қателігі алғашқы голдың соғылуына себеп болса да, жанкүйерлер тарапынан жоғары баға алды.
Айта кетейік, Қазақстан құрамасы бұл матчта 2:3 есебімен Даниядан жеңіліп қалды.