Қазақстан пайдасына. Албания Данияны Еуро-2026 іріктеу кезеңінде жеңді

Футзал Бүгін 14:18

Богдан Писаренко

sports24 сарапшы

Брондбю қаласында Қазақстан құрамасының 6-топтағы қарсыластары Дания мен Албания арасында 2026 жылғы Еуропа чемпионатына іріктеу турнирінің 2-тур ойыны өтті.

Ойынның 29-минутында алаң иелері үшінші гол соғып, есепті 3:1-ге жеткізді. Осы сәтте даниялықтардың жеңісі уақыт еншісінде сияқты көрінді, дегенмен 36-минутта қонақтар есепті теңестірді, ал финалдық ысқырыққа 7 секунд қалғанда төртінші гол соғып, жеңісті жұлып әкетті.
Ойын қортындысы бойынша есеп 4:3 болып тіркеліп, Албания құрамасы сырт алаңда өте маңызды жеңіске қол жеткізді.

Еске сала кетейік, бірнеше сағат бұрын Алматыда Қазақстан мен Армения құрамалары арасындағы ойын 4:4 есебімен тең аяқталған болатын.

6-топтың турнир кестесінде Қазақстан мен Армения 4 ұпаймен көш бастап тұр. Албания 3 ұпаймен үшінші орында, ал Дания әзірге бірде-бір ұпай ала алмады.

Айта кетсек, 1-турда Қазақстан құрамасы сырт алаңда албандарды 2:0 есебімен жеңсе, Армения Данияны 4:3 есебімен тізе бүктірген еді.

Еуро-2026 іріктеу. 6-топ

Дания — Албания — 3:4

Голдар: Гантцхорн (4), Дэнмарк (23), Фогт (29) — Селманаи (19), Тома (32), Халими (36), Криэзиу (40).