Рэшфорд Тоттенхэмге қарсы кубок матчына МЮ құрамымен бірге барған жоқ
Футбол
Нұрбақыт Қадырбаев
Редактор
ФОТО: Imago
“Манчестер Юнайтедтің” шабуылшысы Маркус Рэшфорд командасымен Ағылшын лигасы кубогының 1/4 финалындағы “Тоттенхэмге” қарсы ойынға барған жоқ.
Manchester Evening News хабарлауынша, Рэшфорд сапарға Манчестерден шығып бара жатқан әріптестерінің арасында көрінбеген.
Естеріңізге сала кетейік, Рэшфорд Манчестер дербиіне қатысатын құрамға іліккен жоқ. Команда оған сенбейді және қысқы трансферлік терезеде сатқысы келеді.
27 жастағы ойыншыға "Барселона" қызығушылық танытып отыр, бірақ каталондықтардың оның жалақысына шамасы жетпейді.
