Жұлдыздың бүлігі ме? Виктор Дьекереш «Спортингтің» жиынына келмей, трансфер үшін күресті
Швед шабуылшысы клубқа оралудан бас тартып, «Арсеналға» ауысуға бел буған
Футбол
Арсен Алиев
Редактор
ФОТО: Спортинг ФК
Лиссабондық «Спортинг» командасының шабуылшысы Виктор Дьекереш маусым алдындағы дайындық жиынына шақырылғанына қарамастан, оған келмей қойды.
Журналист Бен Джейкобстың ақпараты бойынша, футболшы әдейі жиынды өткізіп жіберген, осылайша өзін Лондонның «Арсеналына» ауыстыру процесін жеделдеткісі келеді.
Әлі 30 маусымда-ақ 27 жастағы футболшы «Спортинг» президенті Фредерик Варандашка өзі хабарласып, клубқа оралғысы келмейтінін және енді португалдық команда сапында ойнаудан бас тартатынын жеткізген.
Дьекереш «Спортингке» 2023 жылы ауысып, керемет маусым өткізді – 52 матчта 54 гол мен 13 ассист жасады. Швед ойыншысының келісімі 2028 жылдың жазына дейін жарамды, ал Transfermarkt порталы оның нарықтық бағасын 75 миллион еуроға бағалап отыр.
