Забарныйдың «ПСЖ»-ға ауысуы «Динамо» Киевке байланысты кедергілерге ұшырауы мүмкін
Француз клубы қорғаушы үшін жоғары баға төлеуге дайын емес
Футбол
Абылай Сеитов
Журналист
ФОТО: Getty Images
Ағылшындық «Борнмут» командасының орталық қорғаушысы Илья Забарный Францияның «ПСЖ» клубына ауысуы мүмкін еді. Алайда бұл трансфер жүзеге аспауы ықтимал, деп жазады The Telegraph.
Себебі, футболшының бұрынғы клубы – «Динамо» Киев келісімшарт шартына сай, трансферден 20% төлем алуы тиіс. Осыған байланысты «Борнмут» бағаны 20%-ға көтерген, бұл жағдай париждіктердің көңілінен шықпаған.
Сонымен қатар, «Борнмут» қорғаушысын жібергісі келмей отыр – командада жақында Дин Хёйсен «Реалға»кеткен, ал Милош Керкез те жақын арада «Ливерпульге» ауысуы мүмкін.
Забарныйдың ағылшын клубымен келісімшарты 2029 жылдың жазына дейін жарамды. Transfermarkt порталының мәліметінше, қорғаушының нарықтық құны – 40 миллион еуро.
