Ювентус басшылығы бапкердің болашағы туралы маңызды шешім қабылдады
Футбол
Асылхан Тоқсанбек
Редактор
ФОТО: gettyimages.com
"Ювентус" командасының бас жаттықтырушысы Тьяго Мотта нәтижелердің сәтсіздігіне қарамастан, клубтағы жұмысын жалғастырады, деп хабарлайды La Gazzetta dello Sport.
Дереккөздерге сүйенсек, "Ювентус" басшылығы Моттаға сенім артады және жас маманға уақыт қажет екенін түсінеді. Клуб осы маусымға қойылатын мақсаттарды минималды деңгейде белгіледі.
Еске сала кетейік, Тьяго Мотта 2024 жылдың жазында "Ювентус" командасының тізгінін ұстады, бұған дейін ол "Болоньяны" басқарған. 22 турдан кейін "Ювентус" Серия А чемпионатында 37 ұпаймен 5-орында тұр. Келесі матчта Мотта баптайтын команда Италия чемпионатында "Эмполи" клубымен кездеседі.
