Украина құрамасының және «Шахтер» бұрынғы ойыншысы «Ақтөбе» клубымен келісімшартқа қол қойды

33 жастағы қорғаушы Иван Ордец Германия мен Ресей премьер-лигасындағы өнерінен кейін ҚПЛ-де мансабын жалғастырады

Футбол 31 жел 2025 04:32

Асылхан Тоқсанбек

Редактор

«Ақтөбе» футбол клубы Украина құрамасының бұрынғы қорғаушысы Иван Ордецпен келісімшартқа қол қойғанын ресми түрде хабарлады.

33 жастағы футболшымен жасалған келісімнің шарттары жарияланған жоқ. Ордецтің соңғы клубы Германияның «Бохум» командасы болды. Бұған дейін ол Донецкінің «Шахтерінде», Мәскеудің «Динамосында» және «Мариупольде» ойнап, жоғары деңгейде мол тәжірибе жинақтаған.

Өткен ҚПЛ маусымының қорытындысы бойынша «Ақтөбе» турнир кестесінде бесінші орын алып, 43 ұпай жинап, еурокубоктық аймақ үшін күресте «Елімайға» жол берді.