«Удинезе» «Интерді» масқара етті. Киву командасымен не болып жатыр?
Италия біріншілігінің 2-турында күтпеген жағдай тіркелді. Миланның «Интері» «Сан-Сиро» стадионында «Удинезеге» 1:2 есебімен жол берді.
Ойын басталған сәттен-ақ «нерадзуррилер» басымдыққа ие болып, 17-минутта Дензел Дюмфрис әріптесінің пасын қақпаға бағыттап, есеп ашты. Трибуналар шаттыққа бөленді, алайда қуаныш ұзаққа созылмады.
29-минутта төреші миландықтардың қақпасына пенальти белгіледі. Кевин Дэвис мүмкіндікті мүлт жібермей, таразы басын теңестірді. Бұдан кейін «Удинезе» тіпті алға шықты: 40-минутта Абдуллахи Атта қақпашыны қапы қалдырып, жеңіс голын соқты - 1:2.
Қалған уақытта «Интер» есепті теңестіруге бар күшін салғанымен, нәтижеге жете алмады. Бұл маусымдағы алғашқы жеңіліс миландықтар үшін ауыр соққы болды.
Серия А, 2-тур
«Интер» — «Удинезе» — 1:2 (1:2)
Голдар: Дюмфрис, 17 (1:0). Дэвис, 29 (1:1, пенальти). Атта, 40 (1:2).
Енді «Интер» 13 қыркүйекте Италия дербиінде «Ювентусқа» қарсы шығады. Ал «Удинезе» 14 қыркүйекте «Пизамен» кездеседі.
Айта кетейік, «Интер» - Чемпиондар Лигасының топтық кезеңінде «Қайраттың» қарсыластарының бірі.
