Тьяго Месси Криштиану Жуниорға қарағанда 2 есе жақсы өнер көрсетті. Мессидің ұлы МЛС U-13 Кубогында 11 гол соқты
12 жастағы Тьяго Месси, 8 дүркін “Алтын доп” иегері Лионель Мессидің ұлы, МЛС U-13 Кубогында феноменалды жетістікке жетті.
Мессидің ұлы ойнайтын “Майами” командасы “Атланта Юнайтед” болған сырт алаңдағы ойында 12:0 есебімен жеңіске жетті. Тьяго Месси командасының 11 (!!!) голының авторы атанды.
Ресми емес деректерге сәйкес, Мессидің ұлының бұл голдық көрсеткіші МЛС-тың жасөспірімдер арасындағы турнирлері үшін тарихи жетістік болып табылады.
Айта кетсек, Тьяго Месси осы ойынымен Криштиану Роналдуның ұлының көрсеткішінен екі есе асып түсті. Жуырда ғана “Алтын доптың” 5 дүркін иегерінің ұлы Сауд Арабиясы U-15 чемпионатындағы “Әл-Наср” – “Әл-Иттихад” (5:4) матчында Эр-Рияд командасының барлық бес голын соғып, кездесудің басты қаһарманы атанған еді.
Футбол
Бүгін 16:00
