«Тобол» қақпашысы маусымаралықта клубтан кетуі мүмкін
«Тоболдың» қақпашысы Сұлтан Бусурманов өз болашағы туралы әңгімеледі.
Вратарьдың айтуынша, оның келісімшарты жылдың соңында аяқталса да, қазіргі клубынан ынтымақтастықты жалғастыру туралы әлі ұсыныс түспеген.
«Клубпен келісімшарт аяқталады. Ұсыныстарды күтіп отырмыз. «Тоболдан» әзірге үнсіздік. Басқа клубтардан бірнеше ұсыныс бар, бірақ әзірге қай клубтар екенін айтпай-ақ қояйын», — деп Бусурмановтың сөзін келтіреді Legalbet.kz.
29 жастағы қазақстандық қақпашы 2017 жылдан бері «Тоболдың» негізгі командасында өнер көрсетіп келеді. Ол Қостанай клубының түлегі.
Өткен маусымда қақпашы барлық турнирлерде 15 матч өткізіп, 13 гол жіберіп алды. Алты ойында қақпасын құрғақ сақтай алды.
Бұған дейін біз бразилиялық шабуылшының «Тоболдан» кетуі мүмкін екенін хабарлаған едік.
