«Тобыл» қорғаушысының жарақатына қатысты жаңа мәліметтер жарияланды: Миладинович маусымды аяқтады
Серб футболшы Финляндияда ахилл сіңіріне ота жасатып, Белградта оңалтудан өтеді
Футбол
Әлім Динасылов
Редактор
ФОТО: ФК «Тобол»
«Ақтөбеге» қарсы матчта жарақат алған «Тобылдың» негізгі қорғаушысы Иван Миладинович маусымның қалған бөлігін өткізіп алады. Ойыншының агенті Legalbet.kz сайтына операция мен алдағы оңалту процесі туралы айтып берді.
«Ахилл. Маусым соңына дейін ойнамайтыны анық. Иван қазір Финляндияда. Бүгін таңертең сонда оған ота жасалды. Әзірге бәрі жақсы сияқты. Содан кейін Белградқа ұшады, оңалтудан сол жерде өтеді. Міне, жағдай осылай», — деді агент Антон Синьков.
Миладинович «Тобылға» 2024 жылдың қаңтарында «Сочи» клубынан ауысып келген болатын. Қостанайлық клуб сапында 44 ойын өткізіп, 2 гол соқты.
