Тимур Кападзе Қазақстан ұлттық құрамасының үздік төрт ойыншысын атап өтті
Футбол
Арсен Алиев
Редактор
ФОТО: Getty Images
Өзбекстанның олимпиада құрамасының бас бапкері Тимур Кападзе Қазақстан ұлттық құрамасының үздік футболистері туралы пікір білдірді, деп хабарлады Sports.kz.
Маман ұлттық құраманың әр ойыншысы жоғары деңгейде ойнайтынын атап өтті, бірақ бірнеше футболистер басқалардан ерекшеленетінін айтты.
"Менің ойымша, ұлттық құраманың әрбір ойыншысы жақсы деңгейде ойнайды және құрама сапында болуы әбден лайықты. Дегенмен, кейбір ойыншылар ерекшеленіп тұрады. Олар – Асхат Тағыберген, Бактиер Зайнутдинов, Максим Самородов, Абат Айымбетов", – деді Кападзе.
Наурыз айында Қазақстан құрамасы 2026 жылғы әлем чемпионатына іріктеу турнирінде өз өнерін бастайды. Құрама Бельгия, Уэльс, Солтүстік Македония және Лихтенштейнмен бір топта ойнайды.
