Тек формальдылықтар қалды. Германия құрамасының шабуылшысы «Милан» клубында медициналық тексерістен сәтті өтті
Германия құрамасының және «Вест Хэм Юнайтед» шабуылшысы Никлас Фюллькруг «Миланмен» келісімшартқа қол қоюға барынша жақындады.
Инсайдер Фабрицио Романоның хабарлауынша, 23 желтоқсан күні неміс шабуылшысы «россонеридің» медициналық тексерісінен сәтті өтті.
Тараптар келісімшарттың барлық тармақтары бойынша ортақ шешімге келді, ал ресми түрде қол қойылғаны жуырда жарияланады. Келісім уақытша жалға алу негізінде болады деп күтілуде.
32 жастағы Фюллькруг 2024 жылы дортмундтық «Боруссиядан» «Вест Хэмге» ауысты. Осы маусымда тәжірибелі футболшы алаңға көп шыққан жоқ. Ол «молотобойшылар» сапында барлық турнирлерде тоғыз матчқа қатысып, нәтижелі әрекеттерімен көзге түспеді.
Бұған дейін АПЛ клубтары Украина құрамасының шабуылшысы үшін таласатыны хабарланған болатын.
