Тарихи антирекорд: «Саутгемптон» АПЛ-дан 31-турда шығып қалды
«Саутгемптон» ресми түрде Англия Премьер-лигасынан шығып қалды. Бұл лондондық «Тоттенхэммен» сырт алаңдағы 31-тур ойынындағы 1:3 есебімен аяқталған жеңілістен кейін белгілі болды.
Иван Юричтің командасы Англияның элиталық дивизионында қалуға деген барлық математикалық мүмкіндіктерінен айырылды.
Ойын Лондондағы «Тоттенхэм Хотспур» стадионында өтіп, маусымы сәтсіз болып жатқан «қасиеттілер» үшін шешуші матчқа айналды. Есепті Матис Тель ашты, ал Бреннан Джонсон дубль жасап, шабуыл шебінде тамаша ойын көрсетті. «Саутгемптонның» жалғыз голын Матеуш Фернандеш соқты, бірақ бұл ойын тағдырына әсер ете алмады.
Футбол. Англия. Премьер-лига
Тоттенхэм — Саутгемптон 3:1
Голдар:
1:0 — Бреннан Джонсон (13')
2:0 — Бреннан Джонсон (42')
2:1 — Матеуш Фернандеш (90')
3:1 — Матис Тель (пенальти) (90+6')
Осы жеңістен кейін «Тоттенхэмнің» ұпай саны 37-ге жетіп, турнирлік кестеде 13-орынға көтерілді.
Ал бар болғаны 10 ұпай жинаған «Саутгемптон» 20-орында қалып отыр және 2024/25 маусымында Премьер-лигадан уақытынан бұрын шығып қалған алғашқы команда атанды. Чемпионаттың аяқталуына жеті тур қалғанда клубтың тіпті теориялық тұрғыдан да сақталып қалуға мүмкіндігі жоқ — бұл АПЛ тарихындағы ең ерте шығып қалу оқиғасы.
