Тағыберген ұлттық құрамадағы мансабын аяқтауды ұйғарды
Қазақстан құрамасының жартылай қорғаушысы Асхат Тағыберген ұлттық құрамадағы мансабын аяқтайтынын мәлімдеді. Бұл туралы ол Солтүстік Македониямен өткен ойыннан кейін айтты, деп хабарлайды Sports24.kz тілшісі.
«Бұл менің ұлттық құрамадағы соңғы ойыным», - деді Тағыберген Qazsport телеарнасында.
34 жастағы Асхат Тағыберген Қазақстан құрамасы сапында 2014 жылдың қазан айынан бері өнер көрсетіп келеді. Осы уақыт ішінде ол негізгі құрама сапында барлық турнирлерде 63 ойын өткізіп, 3 гол соғып, жеті нәтижелі пас берген. Оның бір голы Данияға қарсы өткен есте қаларлық матчта 3:2 есебімен жеңіске жетті. Бұл голды жанкүйерлер ЕУРО-2024 іріктеу кезеңіндегі ең үздік гол деп бағалады.
Үстіміздегі жылдың наурыз айында Тағыберген Шымкенттің Ордабасыда жалақысының мөлшеріне байланысты жанжалда қалды. Осыдан кейін Асхат Қостанайдың «Тобылына» ауысты. Сол айда Тағыберген Қазақстан құрамасы 2026 жылғы әлем чемпионатына іріктеу аясында Уэльс құрамасына қарсы өткен алғашқы ойында пенальтиді соғып, ерекшеленді.
9 маусым күні Астанада 2026 жылғы әлем чемпионатының іріктеу кезеңінің 4-ші турындағы ойында Қазақстан құрамасы Солтүстік Македониядан 0:1 есебімен ұтылды.
2026 жылғы әлем чемпионаты. Іріктеу кезеңі. J тобы. 4 тур
Қазақстан – Солтүстік Македония – 0:1 (2-тайм аяқталуда)
Гол: Трайковский, 33.
Голдардың видеосын және матчқа шолуды мына жерден қараңыз.
