Су тасқынына байланысты кейінге шегерілген Валенсия мен Реал кездесуінің өтетін күні белгілі болды
Футбол
Нұрбақыт Қадырбаев
Редактор
ФОТО: ФК Валенсия
Ла Лиганың 12-ші турының кездесуі 4-ші қарашада “Месталья” стадионында өтуі керек еді, бірақ Валенсиядағы су тасқынына байланысты кейінге шегерілді.
Испания корольдік футбол федерациясы комитетінің шешімімен ойын 2025 жылдың 4-ші қаңтарында Қазақстан уақыты бойынша сағат 01:00-де өтеді. Бастапқыда матч қаңтардың екінші күніне жоспарланған, бірақ бұл Испания футболшылары қауымдастығының келісіміне қайшы келді, оған сәйкес 23 желтоқсан мен 2 қаңтар аралығында футболшылар ресми матчтарға қатысудан босатылған, деп хабарлайды Marca.
Осы шешімге байланысты Испания кубогындағы “Депортива Минера” - “Реал Мадрид” және “Эльденсе” - “Валенсия" матчтары да сәйкесінше 6-шы және 7-ші қаңтарға ауыстырылады.
