«Спортинг» - Португалия чемпионы! Соңғы турдағы жеңіс лиссабондықтарға титул сыйлады
Лиссабондық «Спортинг» Португалия Примейра лигасының соңғы турында чемпиондық атақты жеңіп алды. Команда маусым бойы тұрақты өнер көрсетіп, шешуші сәтте басты қарсыласы «Бенфиканы» басып озды.
34-турда «Спортинг» өз алаңында «Гимарайншты» қабылдап, 2:0 есебімен жеңіске жетті. Бірінші голды 55-минутта Гонсалвеш соқты, ал 82-минутта маусымның басты батыры Виктор Дьокереш есепті еселеп, командасына чемпиондықты сыйлады. Бұл - шабуылшының маусымдағы 51-голы.
Осы уақытта «Бенфика» «Брагамен» тең ойнап, 2 ұпай жоғалтты. Нәтижесінде «Спортинг» 82 ұпаймен бірінші орынға жайғасты, ал «Бенфика» 80 ұпаймен екінші орында қалды.
Примейра лига. 34-тур
«Спортинг» — «Гимарайнш» — 2:0
Голдар: П. Гонсалвеш, 55. Дьокереш, 82.
25 мамыр күні «Спортинг» пен «Бенфика» Кубок финалында қайта жолығады. Бұл матч Астана уақытымен 21:15-те басталады.
Байланысты командалар мен лигалар
