Смолов «Қайратқа» ауысуға жақын
Sports24.kz мәліметінше, Ресей құрамасының бұрынғы шабуылшысы Федор Смолов мансабын қазақстандық «Қайрат» клубында жалғастыруы мүмкін.
«Краснодардың» дебюттік чемпиондығынан кейін шабуылшы клубпен екіжақты келісім бойынша қоштасты.
Бұған дейін 35 жастағы футболшы Ресейдің «Анжи», «Динамо» (Мәскеу), «Урал», «Локомотив», сондай-ақ Испанияның «Сельта» және Нидерландтың «Фейенорд» клубтарында ойнаған.
Айта кетейік, футболшының агенті Герман Ткаченко «Қайратпен» белсенді жұмыс істеп келеді. Дәл осы маман Дастан Сатпаевтың Лондонның «Челси» клубына ауысуын ұйымдастырған болатын. Сонымен қатар ол «сары-қаралар» сапындағы Ақежан Қалиқұловтың да өкілі саналады.
Бұған дейін «Қайрат» Ресейдің тағы бір танымал шабуылшысы Артем Дзюбаға қызығушылық танытқан еді. Алайда ол Ресейде қалуды жөн көріп, «Акронмен» келісімшартын ұзартты.
Бұл мәселе бойынша букмекерлердің болжамдары қандай?
