Серхио Рамос Бока Хуниорсқа ауысудан бас тартты
Испаниялық орталық қорғаушы Серхио Рамос аргентиналық “Бока Хуниорс” клубына ауысудан бас тартты.
TyC Sports мәліметінше, аргентиналық клуб 38 жастағы футболшыға шынайы қызығушылық танытқан, алайда Рамос Аргентинаға көшуге дайын болмады. “Бока” клубының бас бапкері Фернандо Гаго Серхио Рамоспен мадридтік “Реалда” бірге ойнаған.
Испандық футболшының соңғы клубы 2024 жылдың жазында кеткен “Севилья” болды. Бұған дейін Рамос мадридтік “Реал” және француздық ПСЖ сапында өнер көрсетті. “Реал” құрамында ол 22 трофей жеңіп алды, оның ішінде төрт рет Чемпиондар лигасын ұтқан. Ал ПСЖ сапында екі мәрте Франция чемпионы және Франция Суперкубогының иегері атанды.
Испания құрамасымен Рамос 2010 жылы әлем чемпионы, сондай-ақ 2008 және 2012 жылдары екі рет Еуропа чемпионы атанған.
Байланысты командалар мен лигалар
Теннис
Бүгін 06:51
Футбол
Бүгін 05:53