Сергей Малый Солтүстік Македониямен ойындағы жеңіліс туралы: Ешбір жағынан кем түспедік
Футбол
Аружан Темірбек
Редактор
ФОТО: ҚФФ
Қазақстан құрамасының қорғаушысы Сергей Малый Sports24.kz тілшісіне Солтүстік Македониямен өткен ойында (0:1) ұлттық құрамаға не жетіспегенін айтты.
Ұлттық құрама «Астана Аренада» қарсыласынан минималды есеппен ұтылды. Қонақтардың жалғыз голын Александр Трайковски соқты. Кездесу барысында Қазақстан допқа иелік етуде басымдыққа ие болды, сонымен қатар соққылар мен күтілетін голдар жағынан да жақсырақ болды.
«Ойыннан біздің қарсыластан кем түспегеніміз көрініп тұр. Бізге тек класс, аздап сенімділік және сәл сәттілік жетіспеді. Қақпа бағаналары, маңдайшасы болды. Бұл голдар болса, нәтиже басқаша болар еді», - деді Малый.
Ойыннан кейін Қазақстан құрамасы J тобында үшінші орында тұр.
