Сенсация болған жоқ. Месси МЛС маусымының үздік ойыншысы атанды
Командасымен алған трофейді жеке марапатымен толықтырды
Футбол
Жантөре Қайсаров
Редактор
ФОТО: Getty Images
2025 жылғы Солтүстік Америка МЛС маусымында «Интер» Майами алғаш рет тарихында чемпион атанды, және бұл жетістік үшін басты құрмет, әрине, команданың жұлдызы Лионель Мессиге тиесілі.
Аргентиналық футболшы маусымның үздік ойыншысы болып танылды. Бұл шешім толығымен әділетті, себебі Месси өткен маусымда қарсыластар қақпасына 29 гол соқты. Сонымен қатар, ол МЛС-тің «Алтын бутса» жүлдесіне ие болып, маусымның үздік он бірдігі құрамына енді. Айта кетерлігі, бұл тізімде «Интер» сапынан жалғыз өкіл – дәл Месси ғана бар.
МЛС плей-оффының финалында «Интер» Майами Канададан келген «Ванкувер Уайткэпс» командасын 3:1 есебімен жеңді. Маусымның MVP-і бұл ойында гол соқпады, бірақ екі нәтижелі пас беріп, командасына шешуші үлес қосты.
