Сатпаев ойнайтын лигада тәртіпсіздік болды: полиция қызметкері жарақат алды
Англияда Чемпионшип аясындағы «Саутгемптон» мен «Портсмут» командалары арасындағы матчтан кейін тәртіпсіздік орын алды. Оқиға салдарынан полиция қызметкері жарақат алып, құқық қорғау органдары төрт адамды ұстады, деп хабарлайды Sports24.kz.
Кездесу «Саутгемптонның» 1:0 есебімен жеңісімен аяқталды. Матчтан кейін «Сент-Мэрис» стадионының сыртында екі команданың жанкүйерлері арасындағы текетірес күшейді. Кейбір жанкүйерлер қарсыластарына жақындау үшін қоршауларды бұза бастаған.
Полиция қызметкерлері мен стадиондағы тәртіп сақшылары жанкүйерлер топтарының тікелей қақтығысуына жол бермеді. Алайда құқық қорғау органдарының бір қызметкері жеңіл жарақат алды.
Жалпы, полиция төрт адамды ұстады. Олардың екеуі сигналдық алауларды сақтады деген күдікке ілінді. Тағы бір адам автобустардың қозғалысына кедергі келтірді деген күдікпен ұсталды. Ал матчқа бармаған төртінші ер адам ұрлық жасады және қоғамдық орында суық қаруды заңсыз алып жүрді деген күдікке ілінді.
Айта кетейік, Чемпионшипте Қазақстан құрамасының шабуылшысы Дастан Сатпаев өнер көрсетеді. Ол «Челсиден» жалға алу құқығымен «Бернли» сапында ойнайды.
Қазақстандық футболшының командасы соңғы матчында «Уотфордты» 4:0 есебімен ойсырата жеңді. Жарақатынан айыққан Сатпаев алаңға 74-минутта шықты.
Тоғыз турдан кейін «Бернли» жеті ұпай жинап, осы маусымдағы алғашқы жеңісіне қол жеткізді. Бұған дейін команда сырт алаңда «Уотфордты» 4:0 есебімен жеңген болатын.
Дастанның қатысуымен өтуі мүмкін келесі матч 13 қазанда өтеді. «Бернли» бұл кездесуде «Чарльтонмен» кездеседі. Матч Қазақстан уақытымен 23:45-те басталады.
Сатпаев алаңға шыға ма? «Бернли» – «Чарльтон»: қайдан көруге болады және ықтимал құрам
