Салибаның оралуы. «Арсенал» мен «Вулверхэмптонның» АПЛ-дағы матчына құрамдар белгілі болды
«Қасқырлар» чемпионаттың көшбасшысына қарсы алғашқы жеңісін алуға тырысады
Футбол
Данияр Қайратов
Редактор
ФОТО: Getty Images
14 желтоқсанға қараған түні «Арсенал» 16-тур аясында Англия Премьер-лигасында «Вулверхэмптонды» қабылдайды.
Екі команданың бас бапкерлері матчқа арналған бастапқы құрамдарын жариялады. Айта кетейік, «Арсеналдың» негізгі қорғаушысы Вильям Салиба жарақатынан кейін негізгі құрамға қайта оралды.
«Арсеналдың» бастапқы құрамы: Рая; Уайт, Салиба, Инкапье, Тимбер; Райс, Субименди, Эзе; Сака, Гиокерес, Мартинелли.
«Вулверхэмптонның» бастапқы құрамы: Джонстон; Доэрти, Москера, Агбаду, Тоте, Вульф; Крейчи, Андре, Жоау Гомеш; Хван, Странн Ларсен.
Лондондағы «Эмирейтс» стадионында матчтың алғашқы ысқырығы астана уақытымен 01:00-де шалынады.
Апта ортасында «Арсенал» УЕФА чемпиондар лигасындағы ойында «Брюггені» тас-талқан еткен болатын.
