Роналду Португалия сапында мерейтойлық голын соқты. Енді оның еншісінде қанша гол бар?
Криштиану Роналду тарихи дубльмен көзге түсті
Футбол
Аружан Темірбек
Редактор
ФОТО: Getty images
Португалия құрамасы әлем чемпионаты-2026 іріктеуіндегі ойында Арменияны аяусыз тізе бүктірді - 5:0. Кештің басты қаһарманы Криштиану Роналду болды: ол қарсылас қақпасын екі мәрте дәл көздеп, команданың жеңісін айшықтады.
Бұл дубль жұлдызды капитан үшін ерекше маңызға ие болды. Екінші голы ұлттық құрама сапындағы 140-шы добына айналды. Бұған қоса, Роналду кәсіби мансабындағы жалпы көрсеткішін 942 голға жеткізіп, заманауи футбол тарихындағы ең үздік мерген мәртебесін тағы бір мәрте дәлелдеді.
Келесі ойынын Португалия 9 қыркүйекте Мажарстанға қарсы өткізеді.
