РЕСМИ. Сұлтанбек Астанов Ордабасыда мансабын жалғастырады

Футбол 09 қаң 2025 08:50

Арсен Алиев

Редактор

Шымкенттік "Ордабасы" футбол клубы қорғаушы Сұлтанбек Астановпен келісімшартты ұзартқанын ресми түрде хабарлады.

"Сұлтанбек Астанов, біздің клубтың қорғаушысы, "Ордабасы" командасының намысын қорғауды жалғастырады. Онымен келісімшарт ұзартылды", – делінген команданың мәлімдемесінде.

Астанов – шымкенттік футбол мектебінің түлегі. Ол 2017 жылы алматылық «Қайрат» сапына ауысып, алты жылдан кейін, 2023 жылы, өзінің туған клубына қайта оралды.

2024 жылғы маусымда Қазақстан Премьер-лигасында Астанов "Ордабасы" сапында 15 матч өткізіп, еурокубоктық жарыстарда 5 ойында өнер көрсетті.

Transfermarkt порталының мәліметі бойынша, футболшының нарықтық құны 350 мың еуроны құрайды.

Айымбетов мансабын жалғастырудың күтпеген нұсқасын алды.