РЕСМИ. Перцух Шахтерға қайта оралды
"Шахтер" әлеуметтік желілерінде жартылай қорғаушы Юрий Перцухтың оралғанын хабарлады. Тараптар келісімшарттың мәліметтерін жария етпеді.
Футболшы 2023 жылы "Шахтер" сапында ойнаған. 28 жастағы жартылай қорғаушы өткен маусымды "Елімай" сапында өткізіп, барлық турнирлерде 22 матч өткізіп, екі гол соғып, бір нәтижелі пас берді.
Перцухтың Қазақстанда өнер көрсету тәжірибесі мол. Бұған дейін ол "Қызылжар", "Астана", "Ақжайық", "Атырау" және "Ақтөбе" командаларында өнер көрсеткен. Ол Қазақстан құрамасы сапында 17 ойын өткізіп, бір гол соққан.
Естеріңізге сала кетейік, Қазақстан Премьер-лигасының өткен маусымының қорытындысы бойынша "Шахтер" өз тарихында алғаш рет жоғарғы дивизионнан шет қалды. 2025 жылы клуб Бірінші лигада өнер көрсетеді.
Бұған дейін "Шахтер" жаңадан келген үш ойыншыны бірден таныстырды.