Ресми: Гранит Джака – «Сандерлендтің» ойыншысы
Гранит Джака ресми түрде Англияның «Сандерленд» клубының футболшысы атанды. Келісімшарт 2028 жылдың жазына дейін жарамды.
32 жастағы швейцариялық жартылай қорғаушы Гранит Джака Премьер-лигада өнер көрсететін «Сандерленд» сапында ойнауды жалғастырады. Клуб футболшымен 2028 жылға дейін есептелген келісімге келді.
БАҚ мәліметінше, «қара мысықтар» бұл трансфер үшін Германияның «Байер» клубына 15 миллион еуро төледі. Тағы 5 миллион еуро бонус ретінде қарастырылған. Айта кетейік, леверкузендік клуб Джаканы 2023 жылдың жазында «Арсеналдан» дәл осындай сомаға сатып алған болатын.
Бұған дейін футболшы мен ағылшындық клуб ауызша келісімге келгені хабарланған. Соңғы күндері тараптар тек келісімшарттың егжей-тегжейін нақтылап, рәсімдеу жұмыстарын аяқтады.
Еске салайық, Гранит Джака 2023/2024 жылғы маусымда «Байер» сапында шешуші рөл атқарып, клубпен бірге Бундеслигада жеңіліссіз чемпион атанып, Германия кубогын да иеленді.
Сонымен қатар, бірқатар негізгі ойыншылардың кетуіне байланысты, «Байердің» жаңа шабуылшыны да қатарына қосқаны белгілі болды.
