Реал Мадрид өз таланттарының болашағы жайында шешім қабылдады
Мадридтік "Реал" Арда Гүлер мен Эндрикті Бундеслига клубтарына жалға беруді қарастыруда. Бұл шешім олардың тұрақты ойын тәжірибесіне ие болып, шеберліктерін шыңдауына мүмкіндік бермек.
Sport BILD мәліметінше, испандық клуб жас ойыншылардың дамуын жеделдетуді көздейді, ал неміс командалары оларды қатарына қосуға мүдделі. Алайда, бұл маусымда Гүлер мен Эндрик бас бапкер Карло Анчелоттидің жоспарына жиі кірмей жүр. Түркиялық жартылай қорғаушы Еуро-2024-те көзге түскеннен кейін негізгі құрамда тұрақты орын алады деп күтілгенімен, барлық турнирлерде 1000 минуттан аз ойнады. Ал Эндрик алты гол соққанымен, Мбаппе, Винисиус, Родриго және Браим Диас секілді жұлдыздармен бәсекелесуге мәжбүр.
Гүлерге "РБ Лейпциг" пен "Айнтрахт" қызығушылық танытуда, ал "Лейпциг" Эндрикті де жалға алуды жоспарлап отыр. Дегенмен, "Реал" олардың Чемпиондар лигасына қатысатын клубтарға ғана жалға берілуін қалайды, өйткені басшылық жас таланттардың жоғары деңгейлі матчтарда тәжірибе жинағанын дұрыс көреді.
Чемпиондар лигасының 1/8 финалындағы "Атлетикоға" қарсы ойында Эндрик алаңға тек соңғы минуттарда шықса, Гүлер қосалқы құрамда қалып қойды. Олар 9 наурызда өтетін "Райо Вальеканоға" қарсы матчта мүмкіндіктерін алуға үміттенуде.
