ПСЖ бен «Барселона» Чемпиондар лигасының суперматчында голдар шоуын ұйымдастырды
ПСЖ өз алаңында УЕФА Чемпиондар лигасы ойын күнінің орталық матчында «Барселонаны» қабылдады, деп хабарлайды Sports24.kz.
Париждіктер есепті бірінші таймның соңында ашты. Франциялық шабуыл шебінің талантты ойыншысы Дезире Дуэ алғашқы голын соғып, трибунада қызу мерекенің басталуына себеп болды.
Қонақтар екінші таймның басында есепті теңестірді. «Барселонаның» 19 жастағы қорғаушысы Хави Эспарт 55-минутта гол соқты. Бұл Ла Масия түлегінің Еуропаның басты клубтық турниріндегі дебюттік добы болды.
72-минутта париждіктер екінші рет алға шықты. Бұл жолы Дуэ Лукас Эрнандеске нәтижелі пас берді. Алайда Ламин Ямаль мұндай ойын барысымен келіспей, есептегі тепе-теңдікті қайта қалпына келтірді.
Бірақ бұл әлі соңы емес еді. Витинья негізгі уақыттың аяқталуына 10 минут қалғанда ПСЖ-ны үшінші рет алға шығарды. Ал матчтағы соңғы есепті Фабиан Руис белгіледі — 4:2!
Осылайша, үш турдан кейін Еуропаның үздік командасының еншісінде 9 ұпай, ал каталониялық клубтың қоржынында 6 ұпай бар.
