Поляк басылымы: маусым кестесіне байланысты «Актобе» «Легиядан» басым болуы мүмкін
Польшаның Przegląd Sportowy спорттық порталы УЕФА Еуропа лигасының бірінші іріктеу кезеңінде өтетін «Ақтөбе» мен «Легия» арасындағы кездесуге шолу жасады. Басылым Варшава клубы үшін бұл жекпе-жек оңай болмайтынын жазды.
«Легия» алғашқы іріктеу кезеңінде Қазақстанның «Ақтөбе» клубымен кездеседі. Ақтөбеліктер — ұлттық кубоктың былтырғы жеңімпаздары. Қазақстандағы маусым «көктем–күз» жүйесі бойынша өтетіндіктен, олар қазір маусымның бел ортасында. Бұл — поляк клубына қарағанда артықшылық. Қазіргі уақытта команда лигада үшінші орында тұр.
«Легия» үшін Қазақстанға сапар — ұзақ әуе ұшуы болмақ. Ақтөбе Ресей шекарасының маңында орналасқан және Польшадан шамамен 3000 шақырым қашықтықта. Дегенмен, бұл Астана немесе Алматы сияқты табысты командаларға барудан сәл жақынырақ», – деп жазады басылым.
Поляк журналистері маусымның қызған шағында ойнап жатқан «Ақтөбенің» формасын басты артықшылық деп санайды. Ал «Легия» Еурокубок алдында әлі бабына келіп үлгермеген.
«Ақтөбенің» бұрынғы бапкері: Самородов РПЛ-дің үздік клубтарында ойнай алады.
