Патшалық бонусты келісім: «Реал» Александер-Арнольдқа €20 млн төлеуге дайын
Футбол
Арсен Алиев
Редактор
ФОТО: Getty Images
Англия құрамасы мен «Ливерпульдің» қорғаушысы Трент Александер-Арнольдтың мадридтік «Реалға» ауысуына байланысты жаңа мәліметтер жария болды.
Испаниялық Marca басылымының хабарлауынша, ағылшын клубының түлегіне келісімшартқа қол қойғаны үшін қомақты бонус төленуі мүмкін – бұл сома шамамен 20 миллион еуроны құрайды.
Еске сала кетейік, 5 мамырда «Ливерпуль» маусым соңында футболшы клубтан еркін агент ретінде кететінін ресми түрде мәлімдеген болатын. Қорғаушының қазіргі келісімшарты осы жазда аяқталады.
Бұған дейін мадридтік клуб ойыншыны 2025 жылғы Клубтар әлем чемпионаты басталғанға дейін қатарға қосу үшін «Ливерпульге» келісімшартты мерзімінен бұрын бұзу мақсатында символикалық €500 мың ұсынғаны хабарланған еді.
