«Оқжетпес» қонақта Талдықорғаннан үш ұпай еншіледі
Қазақстан Премьер-лигасының сегізінші туры аясында Көкшетаудың «Оқжетпесі» Талдықорғанда жергілікті «Жетісуды» 3:1 есебімен жеңіп кетті.
Бірінші таймда командалар бір-біріне жылдам голдармен жауап қайырды: 27-минутта Даурен Жұмат қонақтарды алға шығарса, үш минут өткен соң Аслан Ахмедов таразы басын теңестірді – 1:1.
Үзілістен кейін бастаманы «Оқжетпес» толықтай өз қолына алды. 58-минутта Дамир Марат есепті 2:1-ге жеткізсе, 74-минутта Санжар Сатанов шешуші үшінші голды соқты – 1:3.
Бұл жеңістен кейін «Оқжетпес» 14 ұпаймен турнир кестесінің бесінші сатысына көтерілді. Ал «Жетісу» төрт ұпаймен 12-орында қалып, төменгі орындардан шыға алмай келеді.
Келесі турда «Оқжетпес» өз алаңында «Ақтөбені» қабылдайды, ал «Жетісу» сырт алаңда «Атырауға» қонаққа барады.
ҚПЛ. 11 мамыр
«Жетісу» – «Оқжетпес» – 1:3
Голдар: Ахмедов, 30 – Жұмат, 27, Марат, 58, Сатанов, 74.
