Оны тоқтату мүмкін емес. Криштиану Роналду мансабындағы 950-голын соқты
Португалиялық шабуылшы Сауд Арабиясы чемпионатында «Аль-Хазм» қақпасын дәл көздеді
Футбол
Данияр Қайратов
Редактор
ФОТО: Getty Images
Аңызға айналған футболшы Криштиану Роналду «Аль-Наср» сапында клубтық және ұлттық құрамалардағы мансабында 950-ші голын соқты.
Португалиялық сұрмерген Сауд Арабиясы чемпионатында «Аль-Хазм» қақпасының торын тулатты.
Криштиануның голы «Аль-Насрға» жеңіс әкелді — олар «Аль-Хазмды» 2:0 есебімен тізе бүктірді. Тағы бір гол Жоау Феликстің еншісінде.
Биылғы маусымда Роналду тоғыз матчта барлық турнирлерде сегіз гол және екі нәтижелі пас беріп үлгерді.
