«Олимпиакос» бапкері «Қайратқа» қарсы жеңістің сырын айтты
«Олимпиакос» командасының бас бапкері Луис Мендилибар финалдық ысқырықтан кейін бірден Астанадағы жеңіс оның командасына оңайға соқпағанын айтты.
Есеп минималды болса да, ойын Грекиядағы күткеннен әлдеқайда ауыр өтті.
«Соңына дейін барынша жинақылық қажет болды. Есеп 1:0 болғанда – кез келген ұсақ қателік бәрін өзгертуі мүмкін. "Қайрат" біздің айып алаңымызға дейін жетіп, қысым жасады, бірақ сәттерін аяқтай алмады. Бұл – Чемпиондар лигасы, қай жерде болсын жеңе алуың керек. Бүгін осы жерде жеңдік. Қиынға соқты – бірақ дәл осындай жеңіс әрдайым ерекше қуантады», – деді грек командасының бапкері.
Бұл жеңіліс алматылықтарды жалпы турнир кестесінің соңында қалдырды: алты турдан кейін «Қайраттың» еншісінде тек «Пафоспен» өткен кездесуде алынған жалғыз ғана ұпай бар.
