«Ол келесі деңгейге дайын». Англияда Сәтпаевты аты аңызға айналған шабуылшымен салыстырды
Chelsea News басылымы «Қайраттың» шабуылшысы Дастан Сәтпаевтың «Тұранмен» Қазақстан чемпионатындағы ойынына баға беріп, оны «Манчестер Сити» және Аргентина құрамасының аңыз ойыншысы Серхио Агуэромен салыстырды.
«Сәтпаев жастығына қарамастан келесі деңгейге дайын екені көрінеді. Ол біз ойлаған креативті ойыншыдан гөрі шабуылшыға келеді. Оның жасын ескерсек ол доппен сенімді ойнайды және ол еңбекқор.
Өз жасында ол физикалық және техникалық жағынан өте жетілгенін жоққа шығаруға болмайды. Журналист Фабрицио Романо бұған дейін оның «ерекше дағдылары» туралы айтқан және біз оны жақын арада көреміз деп үміттенеміз. Болашақта оның жетістіктерін жиі тексеріп тұруды асыға күтеміз. Келесі қадам еуропалық клубқа жалға беру болады», - деп жазылған «Арнайы шеберлігі бар Челси жұлдызы үлкен ойыншыларды қорлағанда жас Агуэроға ұқсайды» деген мақалада.
Қазақстан құрамасының ойыншысы да Сәтпаевтың деңгейін жоғары бағалады.
