Огай трофейлер үшін қайта оралды: аңызға айналған бапкер «Шахтер» тізгінін ұстады
Қарағандының «Шахтері» команданың бас бапкері қызметіне Дмитрий Огайдың тағайындалғанын ресми түрде хабарлады.
Клубтың бұл шешімі бүгін өткен баспасөз мәслихатында жария болды.
Тәжірибелі маманға анық мақсат қойылды – «Шахтерді» Қазақстан Премьер-Лигасына қайта шығару. Өткен маусымда қарағандылықтар жоғарғы лигаға өтуге бір қадам жетпей, Бірінші лига чемпионатын төртінші орында аяқтаған болатын.
«Шахтер» еліміздегі ең атақты клубтардың бірі саналады. Команда Қазақстан чемпионы атағын екі рет – 2011 және 2012 жылдары жеңіп алған, сондай-ақ қазақстандық клубтар арасында алғаш болып еурокубоктардың топтық кезеңіне – 2013/2014 маусымындағы Еуропа лигасына жолдама алған еді.
Дмитрий Огай – отандық футболдағы ең беделді бапкерлердің бірі. 65 жастағы маман әр жылдары «Ертіс», «Тобыл», «Қайсар», «Жетісу» және басқа да бірқатар командаларды жаттықтырды. Қазақстаннан тыс жерде ол Ресейдің «Урал» және «Нефтехимик» клубтарын баптаған. Маманның соңғы жұмыс орны – 2017 жылдан 2020 жылға дейін тізгінін ұстаған «Жетісу» командасы болды.
Сондай-ақ миллиардер Турлов қарағандылық «Шахтерді» қайта жаңғыртуға қатысты күтпеген жоспарларын жария етті.
