«Оған қарсы ойнау ең қиын болды»: «Оқжетпес» легионері ҚПЛ-дің ең қолайсыз қорғаушысын атады
«Оқжетпес» жартылай қорғаушысы Страхиня Йованович Қазақстан чемпионатындағы өнері жайлы әсерімен бөлісіп, өткен маусымда қай қорғаушыға қарсы ойнау ең қиын болғанын айтты, деп хабарлайды ASnews.kz.
Сербиялық легионер ҚПЛ-де мықты әрі шебер ойыншылардың көп екенін атап өтті, дегенмен бір қарсылас ерекше есте қалғанын мойындады.
«Чемпионатта сапалы футболшылар көп. Мен көбіне сол қапталда ойнадым, сондықтан оң қапталдың қорғаушысы Карло Бартолецті атар едім. Оған қарсы ойнау шынымен де оңай болған жоқ», – деді Йованович.
Аяқталған Қазақстан Премьер-Лигасы маусымында Страхиня Йованович нәтижелі ойын көрсетіп, бес гол және бір нәтижелі паспен көзге түсті. «Оқжетпес» маусым қорытындысы бойынша турнирлік кестеде сегізінші орынға тұрақтады.
Айта кетейік, Карло Бартолец 2024 жылдың басынан бері «Астана» сапында өнер көрсетіп, елордалық клуб қорғанысының негізгі ойыншыларының бірі болып саналады.
Сондай-ақ ҚПЛ экс-«Оқжетпес» қорғаушысын көздейді.
