Нико Уильямс пен «Атлетик» жаңа келісімшарт бойынша келіссөздерді бастады
Испания құрамасының шабуылшысы Нико Уильямс Бильбаоның «Атлетик» клубымен келісімшартты ұзарту бойынша келіссөздерді бастағанын журналист Бен Джейкобс X әлеуметтік желісінде (бұрынғы Twitter) хабарлады.
Дереккөздің мәліметінше, футболшының жалақысы жылына 10 миллион еуро шамасында болуы мүмкін. Сонымен қатар, егер тараптар келісімге келсе, келісімшарттағы трансферлік баптың сомасы да ұлғаюы ықтимал. «Атлетик» клубы бұл келісімді форвардтың қазіргі келісіміндегі 58 миллион еуролық трансферлік бапты басқа клубтар белсендіріп үлгергенге дейін рәсімдеуді жоспарлап отыр.
Өткен маусымда Уильямс барлық турнирде 45 матч өткізіп, 11 гол соғып, 7 нәтижелі пас берді. Оның қазіргі келісімшарты 2027 жылдың жазына дейін жарамды. Transfermarkt порталының мәліметі бойынша, футболшының нарықтық құны – 70 миллион еуро.
Хвича Кварацхелия Чемпиондар лигасындағы жеңісі үшін Грузияның Жеңіс орденімен марапатталады.
